Direkt zum Seiteninhalt

Hannes von Boll

Künstler/-innen
Hans-Ulrich Kauderer, Bad Boll (do wo d'Alb mit am scheeenschta isch!)
Mei musikalischer Weg: Erschta musikalischer Onderricht han i von meira Muader em Alter von fenf Joahr erhalta. Damaols han i als erschtes Melodica ond Akkordeon gspielt.
Als i no sechs Joahr alt war, han i mit'm Klavierspiela agfanga.
In dera Zeit han i au joahrelang em'a Akkordeonorchester mitgspielt, bis dess aus berufliche Grend' nemme ganga isch.
Ab 1990 han i mi dr Pop-Rock-Gruppe BAFF (www.baff-deutschrock.de) agschlossa.
Seitderher mach i au oigne Texschte ond Liader.
Anna 2010 han i no d'Martha Schwämmle kennaglernt. Des isch a schwäbische Kabarettdischdin. Fir a Geburtsdagsfescht vom'ma gemeinsama Freind hem mir onsere erschte zwoi Liader eistudiert ond onseren erschta gemeinsama Ufftritt kett.
Seit d'rher mach i em meim Soloprojekt oigena schwäbische Liader, dia i moal solo ond eba au als Duett, mit dr Perle onder de schwäbische Butzfraua, dr Martha Schwämmle (www.martha-schwaemmle.de), seng.
Aus onserm aktuella Biehnaprogramm stammet au de meiste Liader uff sellera CD.
Zurück zum Seiteninhalt